Sardi Me Skin ki Care Kaise Kare- Winter Skin Care Tips In Hindi

Hello dosto, Online Free Help me apka swagat hai. Mujhe apko ye batane ki jarurat nhi ki sardi agayi hai or sath me dher sare skin problems bhi. Skin problems ke wajah se kayi log winter season pasand nhi karte or sardi hamari yesi halat kar deti hai ki ham khud ko pasand nhi karte. Isliye aaj ham charcha karenge Sardi Me Skin ki Crae Kaise Kare?

Sardi ke mousam sabke sath ek common problem rehti hai sushk twacha yani dry skin. To aaj ham besically bat karenge sardi me dry skin se kaise bache? kuch logo ke skin sirf sardi ke mousam me hi dry rehte hai or kuch logo ke skin har mousam me dry rehte hai. Aaj ke skin care tips in hindi sabhi logo ke liye hai chahe wo men ho ya women.

winter-skin-care-tips-in-hindi

Sardi ke sausam me bhi twacha me nami or chamak banaye rakhne ke liye ghar pe hi hamare bataye gaye tips ko follow kar sakti hai. Ye tips winter season me skin care ke liye kafi labhdayak sabit hua hai.

Winter Skin Care Tips In Hindi- Sardi Me Twacha Ki Dekhbhal Kaise Kare

Face Care- Chahere Ki Dekhbhal Thand me

Tips 1.
Gulab jal, Glycerin or nimbu ke ras ko sahi marta me ek sath milakar paste bana le. Rat me sone se pehle is paste ko chehre par lakar kar soye or subah chehre ko dho le. Isse twacha me nami bani rehti hai. Men or women dono hi is tip ko ajma sakte hai.

Tips 2.
Haldi powder or Nariyal ka dudh ek sath milakar paste banaye. Apne chehre ko dhokar chehre pe ye paste lagaye or 15 minutes bad chehera dho le. Yeh paste daily use karne se apke chehre ki chamak sardi me bhi bani rehegi.

Tips 3.
Kele ke gude or dudh ko milakar paste bana le or ise apne chehre pe lagaye. 15 minutes bad chehra dho le. Week me yesa do bar karne se sardi me bhi gori twacha barkarar rahegi.

Tips 4.
Sadio se chali aarahi gulab jal ko aap thand ke dino me bhi use kar sakte hai. Gulab jal me samanya shahed (honey) milaye or apni twacha par lagaye. Apne chehre ko 10 minutes bad dho le. Ye tip aap daily apnake apni twacha ko gora bana sakte hai.

Lip Care- Hontho ki Dekhbhal

Sardi or honth dono ek dusre ka dushman hai. Sardi ane ka pehla lakshan hamara honth fatna hi hota hai. Hamare lips bahut najuk hote hai or nami na hone ke karan honth fatne lagte hai. Yese me bahut se log hotho ko chat kar hoto ko nami dete hai lekin kuch der bad honth fir se sukh jata hai. Yesa karna bilkul bhi thik nhi hai, lips ke liye lip butter ka use kare or jyada se jyada pani piye taki sharir me nami bani rahe.

Body Care- Sharir ki Dekhbhal

Thand me garam pani se nahana sabhi pasand karte hai lekin garam pani se nahane ke nuksan bhi hai. Garam pani hamare twacha ko bejan kar deti hai or nami chin leti hai, jyada garam pani se apke sir ke bal bhi jhad sakte hai. Nahate Waqt Aap halka gunguna pani use kar sakte hai hai jo ki twacha ke liye bahut accha hota hai. Aap chahe to nahane ke pani me 2-4 drop baby oil ya badam ka tel bhi dal sakte hai. Thand me moisturize soap ka use kare isse apki twacha nhi fategi.

Foot Care- Fati Adiyo ki Dekhbhal

Thand me Adiya fatna bahut hi aam bat hai. Kuch logo ke kam fatte hai to kuch logo ke bahut jyda adiya fatte hai khas kar un logo ke jo moje nhi pehente ya thand me kam karte hai.Thand me hamesha moje pehen ke rehna chahiye. Fate adiyo se chutkara pane ke liye garam pani me nimbu milakar 15 minutes tak garam pani me dubo kar dhoye or pair ko saf kar le. Fate adiyo par petroleum jelly (veseline) ka use kar sakte hai.

Also Read: Treatment For Dandruff – Dandruff Ka Gharelu ilaj in Hindi

Hair Care – Thand me Balo Ka Dekhbhal

Thand ke dino me hamare bal bejan dikhne lagta hai or balo me dryness ajata hai. Yese me aapko balo pe khas dhyan dena chahiye. Thand me balo ko jyada der tak gile nhi rakhne chahiye. Har roj nahane ke bad balo me tel lagana abashyak hai. Balo pe hair straightener or hair dryer use karne se bache.

Dosto, upar apne jana Sardi Me Skin ki Care Kaise Kare- Winter Skin Care Tips In Hindi. Asha karta hu is sardi me aap puri tarha apna dhyan rakhenge. Hamare post ko share karna na bhule or hamare facebook page ko like karke hamse jude rahe taki hamare dwara acchi acchi jankari apko milti rahe.

(Visited 6,629 times, 7 visits today)

Comments

  1. By pankaj moradiya

    Reply

Leave a Reply

Your email address will not be published. Required fields are marked *