Sardi Jukam Ka Gharelu ilaj- Cold Ke Gharelu Upay in Hindi

Aaj ham bat karenge sabhi ko hone wali ek aam bimari ke bare me jise ham sardi jukam kehte hai. Aam tour par ye sardi ke mausam me hone wali bimari hai lekin garmiyo ke mausam me bhi iska prabhav kayi logo me dekhe jate hai. Kayi gharelu nuske se sardi thik kiya jaa sakta hai yesa hi kuch Sardi Jukam Ka Gharelu Ilaj in hindi ham apke liye laye hai.

Mausam change hone ke douran jyadatar log sardi jukam ke chapet me ate hai. Ye kafi irritate karne wali bimari hai kyuki, Sardi hone par nak band ho jata hai or saans lene me bhi pareshani hoti hai. Iske alava sardi apne sath sir dard or badan dard jaise problems bhi lekar ati hai. Sardi ek viral infectious disease hai isliye ye ek insan se dusre insan me bhi faail sakta hai.

Sick child wiping his nose

Kayi logo ko sardi kafi lambe samay tak lagi rehti hai. Medicines lene par bhi jukam thik nhi hota. Allergic reaction jaise ki dhul mitti, dhoya, pollution, weather change hone ki wajha se unka sardi jaldi thik nhi hota. Yese me kisi ka sardi 7-8 sal tak bhi rehta hai. Agar aap bhi unme se ek hai to docter ki salah jarur le.

Jukam Ke Gharelu Upay – Sardi Ka Ilaj in Hindi

Jyada Pani Piye

Pani jiska dusra nam jiban hai. Jyada pani pina sehat ke liye bahut hi accha hai. Sharir me pani ke kami ke karan kayi sare rog ho sakte hai or sharir me mojud ganagi or kitanu jyada pani pine se bahar aajata hai. Sardi hone par ghungune pani piye thanda pani bilkul na piye. Din me kam se kam 8 glass pani pina chahiye isse aap bimariyo se dur rahenge.

Adrak Ki Chay

Adrak wali chay pine ke kayi sare fayde hai lekin, sardi khasi se chutkara pane ke liye adrak wali chay Ayurvedic aushadhi se kam nhi. Adrak sardi door karne me sahayak hai. Sardi se rahat pane ke liye din me 2-3 bar jyada matra me adrak dal kar chay bana ke piye. Adrak wali chay pine se aap sardi jukam jaise bimariyo se bahut jaldi chutkara paa sakte hai.

Haldi Doodh

Aksar sardi jukam me sir dird ke sath sath badan me bhi dard hota hai. Yese me aap garam doodh me ek spoon haldi milakar piye to sir dard or badan dard se aram paa sakte hai. Haldi wala doodh sardi jukam kam karne me madadgar hai. Haldi bhi Ayurvedic aushadhi hai jo ki sharir me rog pratirodhak chhamta ko badha deti hai. Haldi wala doodh pine se sardi ke jald rahat mil sakta hai.

Garam Pani ka Bhap

Sardi jukam hone par kayi bar nak band ho jati hai jisse saans lene me bahut pareshani hoti hai. Yese stithi me garam pani ka bhap lena ramban upay hai. Garam pani ka bhap lene se band nak khul jata hai or andar jami sardi bhi bahar nikal jata hai. Iske alava garam pani ka bhap anadar ki kitanu ko khatam karta hai jisse sardi jaisi bimari jaldi thik hoti hai.

Tulsi ka Ras

Subah uthne ke bad khali pet 3-4 tulsi ke patte khane se aap sardi jukam, cough jaise bimariyo se bach sakte hai. Aap tulsi ke patte ko chabakar kha sakte hai or iske alava iska ras nikal kar bhi sevan kar sakte hai. Guno se bharpur tulsi sardi khasi ke sath sath anek bimariyo ko bhi door rakhta hai.

Janiye 30 Din Me Kaise Bane Lakhpati Ghar Baithe Business Kare Apne Android Mobile Se (Without Investment)

Nimbu or Shahad

Subah khali pet me 1 glass gungune pani me ninmbu ka ras or ek chammach shahad milakar pine se sardi jukam se chutkara mil jata hai. Nimbu ke ras me Vitamin C bharpoor matra me paye jate hai jo ki sardi khasi ko gayab kar deta hai. Din me 2 bar iske sevan karne se jukam se bacha jaa sakta hai.

Also Read:

Chicken Soup

Agar aap non vegetarian hai to sardi se rahat pane ke liye chicken soup ka sahara le sakte hai. Sardi door karne me chicken soup bahut labhdayak hai. Garam chicken soup anadar jama hua sardi yani balgam ko taral karke turant bahar nikal deti hai. Chicken me mojud vitamins and nutrients sardi ko andar se thik karne me madad karta hai.

Also Read: Chicken Khane ke Fayde – Chicken Benefits For Health in Hindi

Sardi Ka Ilaj in Hindi- Quick Tips

1. Lehsun ka soup pine se bhi jukam se rahat milti hai.
2. Adrak or shahad eksath din me 2 bar khane se sardi se aaram milta hai.
3. Sardi hone par thande pani se bache. Thanda pani jukam badha sakta hai.
4. Sardi me kabhi bhi balgam na nigle. Apne nak ko saf kare or barabar hath dhote rahe. Isse jaldi sardi jukam se chutkara mil sakta hai.
5. Jukam hone par khuli hawa me rahe. Band room me rehne se sir dard or irritation mehsus hoti hai.
6. Sardi ke sath gale me bhi dard ho to gungune pani me namak dalkar garare kare. Isse gale ka dard jaldi thik ho jata hai or cough ki pareshani bhi door ho jati hai.
7. Rat me sone se pehle sarso tel garam karke gale, chati, hath or pair pe male. Isse sardi kafi had tak kam ho jati hai.
8. Sardi jukam me jyada se jyada samay khud ko garam environment me rakhe. Cold environment me rehne se sardi badh sakti hai.
9. Kacchi adrak chibone se bhi sardi se chutkara mil sakta hai. Chote tukro me 3-4 tukre adrak ke kat le or ise chibote rahe.
10. Garam pani me nimbu ka ras nichor ke piye. Nimbu me mojud Vitamin C sardi ke liye labhkari hai. Iske alava aap Vitamin c tablets bhi le sakte hai.




Upar apne padha Sardi Jukam Ka Gharelu Ilaj Cold Ke Gharelu Upay in Hindi. Asha karta hu inme se koi bhi jukam ka ilaj apna kar aap apna Sardi jukam se chutkara payenge. Or bhi helpful content padhne ke liye hamare website ko email subscribe jarur kare. Hamare sath jude rehne ke liye hamare facebook page ko line karna na bhule.

Leave a Reply

Your email address will not be published. Required fields are marked *