Poultry Farming Business Kaise Start Kare – Murgi Palan Ki Puri Jankari

Hello dosto, Kya aap “Poultry Farming Business” start karne ke bare me bichar bana rahe hai? Magar apko kuch samajh nhi aa raha hai akhir is business ko kaise start kare? Murgi palan business ko start karne ke liye kitne space ki jarurat hogi? Kitna investment ki jarurat padegi is business ko karne ke liye? Kis prakar ke murgi ko palna hai? Unki dekhbhal kaise karna hai? Is business ko shuru karne ke liye jitney bhi apke man me is prakar ke sawal hai aaj sabko bistar me explain karenge jisse apko asani ho is business ko samajhne me or shuru karne me.

Desh bidesh me din pe din ande or chicken ka mang teji se badhta hi jaa raha hai, is business ko already lakho log kar rahe hai pure desh bhar me or bahut teji se grow bhi kar rahe hai.  Yeh ek aisa business hai jisko bahut hi kam lagat (investment) se start kiya jaa sakta hai. Is business ki khas bat yeh hai isko gaw me bhi kiya jaa sakta hai. Jyadatar poultry farm business gaw me hi stith hai. Kyuki is business ko bade level me karne ke liye space ki requirement bahut jyada hoti hai or gaw me space asani se mil jate hai jo ki bahut sasta bhi hota hai.

poultry-farming-business-kaise-shuru-kare

Image Source- http://www.iffcolive.com/poultry-farming

Baise to is business ko saher me bhi kiya jaa sakta hai magar ye profitable tabhi hoga jab aap khudke jamin par is business ko setup karenge. Agar aap rent me jamin lekar is business ko shuru karte hai to apko profit kam hoga kyuki gaw ke mukabale shaher me rent 3 se 4 guna jyada pay karna padenga. Saher me aapko yeh bhi problem ho sakta hai is business ko setup hi karne na de kyuki murgi se nikalne wale gandegi log pasand nhi karte hai, farm aas pas bhi rehana pasand nhi karte.

Is business ko gaw me karna bhi aasan nhi hai. Kyuki is business ke liye bigli or pani ki uplabdhi hona bahut jaruri hai. Aap kisi aise gaw me business ko start kar sakte hai jaha bigli ki subidha ho or wo gaw saher ke nasdik ho kyuki feeds bagera lana ande, murgi le jana, Insab chijo me kisi bhi prakar ke samasiya na ho. Agar gaw saher se dur hoga to apko transportation cost bahut jyada pay karna hoga jiske bajha se sidha sidha apke profit par asar padega.

Kitne Prakar Ke Poultry Farm Hote Hai?

Poultry Farm 2 Prakar Ke Hote hai

  1. Layer Farm (Ande Ke Liye)
  2. Broiler Farm (Meat Ke Liye)

Jaise ki ab apko pata chal hi gaya hoga farm 2 tarike ka hota hai, Ab sawal yeh hai aap konsa business karne ke bare me soch rahe hai. Agar aap ande ka business karne ke bare me soch rahe hai to apko Layer murgi ka palan karna hoga jo ki apko kariban 1 saal tak ande denge or fir unko chicken ke liye bech sakte hai.

Agar aap sirf or sirf chicken ke liye business karna chahate hai to apko Broiler murgi ka business karna hoga jisme murgi bade hote hi unko chicken ke liye bech diya jata hai.

Murgi palan business ko start karne ke liye kitne space ki jarurat hogi?

Agar space ki bat kare to wo aa jati hai aap kitne murgiyo se apna business start karna chahate hai. Jahir si bat hai agar aap kam murgiyo se apna business start karte hai to kam space ki jarurat padegi or jyada murgiyo se apna business start karte hai to jyada space ki jarurat padegi. Fir bhi me apko ek chota sa calculation se ek idea de deta hu jisse apko andaja ho jaye jo kitne space ki jarurat padegi apko murgi palan business karne ke liye.

Ek murgi ko rehane ke liye minimum 1 square feet ki jarurat padti hai. Magar isse murgi ke ande or chuje safe nhi reh sakte isliye ek murgi ko rehane ke liye kamse kam 1.5 square feet ki space chahiye isse ande or chuje dono hi safe rahenge or apka nukshan bhi kam hoga. Agar aap 1 square feet lekar chalet hai ek murgi ke liye tab aaye din ande tute fute milenge.

Janiye 30 Din Me Kaise Bane Lakhpati Ghar Baithe Business Kare Apne Android Mobile Se (Without Investment)

1 murgi = 1.5 square feet

1000 murgi

1000*1.5= 1500 square feet

Jaise ki upar calculation me dekh sakte hai agar aap 1000 murgiyo se apna business start karte hai to apko 1500 square feet space chahiye. Ab khud calculation kar ke dekh sakte hai kitne murgiyo se aap business start karna chahate hai to kitni space ki jarurat hogi. Iske alava infrastructure ke upar bat aa jati hai, Aap chote se space me bhi bahut se murgiyo ka palan kar sakte hai agar infrastructure design achhe se kiya jaye to.

Also Read:

Murgi Ko Kitne Samay Chahiye Badhne Ke Liye?

Layer murgi ko kamse kam 4 se 5 mahine lagte hai badhne me. Ye murgiya 4 se 5 mhine ke andar hi ande dena shuru kar deti hai or lagbhag 1 saal tak ande deti hai, Kuch kuch murgiya 1 saal se bhi jyada samay tak ande deti hai magar average 1 saal tak ande deti hai.

Ek Murgi Maximum Kitne Ande Deti Hai?

Apke dimag me chal raha hoga 1 murgi life time tak kitne ande de sakti hai to chaliye iske bare me bhi apko bata dete hai. Ek murgi apne pure life me 300 ande deti hai. Koi koi murgiya isse jyada bhi ande deti hai to koi koi murgiya isse kam magar average 300 ande tak deti hai.

Murgi Palan Dekhbhal Kaise Kaise Kare?

Yeh bahut hi important hai ek success business ke liye, Aapko chote chote chijo ka dhyan rakhna hoga jisse apko is business me 100% success mile. To chaliye apko kuch points me bata dete hai apko kis kis chij ka dhyan rakhna jaruri hai.

  • Jis jagha pe aap apna farm banana chahate hai bo jagha dry yani sukha hona chahiye.
  • Saf sutra pani ka supply hona chahiye.
  • Khule area par farm hona chahiye jaha prakriti se hawa milna chahiye
  • Chujo ka khas khyal rakhe
  • Samay samay pe unka janch partal karte rahe
  • Samay samay chujo ko tika lagate rahe
  • Achhe quality foods khilaye, Protein, Calcium jyada matra me de.
  • Farm ko kabhi ganda na hone de pratidin  safai karte rahe
  • Chujo ko thoda thande environment me rakhe isse bo ache se khayenge or jaldi unka growth hoga.
  • Murgi palan me sabse jyada jaruri hai uchit pani or khana.
  • Murgiyo ka insurance karva le.



Ye thi puri farming ki jankari agar aap seriously is business ko shuru karna chahate hai to aapko iska practical knowledge hona bahut jaruri hai. Practical knowledge apko 2 tarike se mil sakta hai. Ek aap kisi farm me jakar unke sath kuch din kam karke har ek chote chote chijo ka gyan le sakte hai. Dusra  aap poultry farm training center ya sarkari murgi palan Kendra jakar kuch hafte tak training le sakte hai. Hum apko dusre post me puri jankari denge “Murgi Palan Kendra” ke bare me jisse aap asani se apne nasdiki kisi Kendra me jakar training le sake.

Also Read :

Note:- Murgi palan business start karne se pahale iska training jarur lele, Kyuki kisi bhi business ko start karne se pahale uska pura gyan hona bahut jaruri hai. Adha adhura gyan ek business ko kabhi bhi successful nhi bana sakti. All The Best! 🙂

Comments

  1. By Somnathbhai

    Reply

Leave a Reply

Your email address will not be published. Required fields are marked *