ATM Se Paise Kaise Nikale – ATM Use Karne Ka Tarika

Hello Dosto, Aaj ham bat karenge ki ATM Kaise use kare in hindi. ATM jiska pura nam hai Automated Teller Machine or yeh desh ke har ek kone me paye jate hai. 8 November, 2016 ko hue note bandi ke bad ATM ko kon nhi janta hoga? Desh ka har ek shaks ATM ki lambi line me kam se kam ekbar jarur khada hua hoga is bat me koi shaq nhi.

Mujhe apko yeh batane ki jarurat nhi hai ki ATM dikhta kaisa hai? Asha karta hu ki hamare blog ka har ek reader ATM se roobaroo hai. ATM bank ki behtareen services me se ek hai jise use karna bahut hi asaan hai. Iske madad se ham kabhi bhi desh ke kisi bhi location se paise nikal sakte hai. Lekin kuch logon ko yeh lagta hai ki ATM use karna bahut hi complicated hai. Aaj ka ye post mere un dosto ke liye hai jo ATM use karne ka tarika nhi jante.

atm-kaise-use-kare-atm-se-paise-kaise-nikale

Image Source- toughnickel.com

Aaj ka post mere un dosto ke liye bhi hai jinhone bank me new account banaya hai or unhe ATM card provide kiye gaye hai. Jab hame new ATM diya jata hai uske sath hame ek pin code bhi diya jata hai jise apko bahut sabdhani ke sath rakhna hai ya fir pin code yaad kar lena hai. ATM ke sath kuch sabdhani parakhna bahut jaruri hai jinhe ham age janenge.

How To Use ATM in Hindi – ATM Kaise Istemal Kare

ATM se paise nikalne ke liye hame ek atm card or password yani pin code ki jarurat padti hai. Is bat ka jarur dhyan rakhe agar aap new atm card first time use kar rahe hai to usi bank ke ATM machine use kare jis bank se apko ATM Card provide kiya gaya ho. Uske bad aap apna atm card kisi bhi ATM Machine me use kar sakte hai.

To chaliye dosto jante hai ATM se paise nikalne ki vidhi kya hai. Is post ko pura padhne ke bad asha karta hu aap ATM use karna puri tarha sikh jayenge. Chaliye jante hai ATM kaise chalaye Atm use karne ka tarika. Sabse pehle apko kisi ATM Machine room me jana hai.

Step 1.

Sabse pehle hame ATM Card ko machine ke Card slot me dalna hai or 2 seconds bad nikal lena hai. Kuch Atm Machine me card bilkul anadar chala jata hai or trnsaction pura hone ke bad card bahar bhi nikal ata hai.

Step 2.

ATM card insert karne ke bad apse language choose karne ke liye kaha jayega. jaise ki
1. English
2. Hindi
In dono option ke pass alag alag button hote hai. Apko jis language me ATM use karna hai wahi button press kare. Agar ATM Machine touch screen ka ho to aap screen par touch karke bhi apna bikalp chun sakte hai.

Step 3.

Language choose karne ke bad apse kaha jayega “Please enter your PIN”. Yani apko apne ATM card ka password dalna hai. Password dalte samay is bat ka dhyan rakhe ki apke piche koi dusra person apka password na dekh raha ho.

Step 4.

Secret PIN dalne ke bad apke samne kayi sare transaction types ke options dikhenge. Jaise ki
1. Fast cash
2. Cash withdrawl
3. Balance Enquary
4. Mini Statement.
Aap jab bhi paise withdrawl karenge apko in options me Cash Withdrawl pe click karna hai. Aap fast cash ka option bhi chun sakte hai lekin cash withdrawl ke option me aap apne marji se amount dal sakte hai. Fast cash ke option me already amount dala hua hota hai jaise 3000, 5000, 10000 etc. jisme apko koi bhi ek amount choose karna padta hai.

Janiye 30 Din Me Kaise Bane Lakhpati Ghar Baithe Business Kare Apne Android Mobile Se (Without Investment)

Step 5.

Cash withdrawl option select karne ke bad apke samne 2 option honge:
1. From Current
2. From Saving
Inme se apko hamesha From saving account hi choose karna hai agar apka saving account ho to. Wese aap current account bhi select karte hai to paise nikal jayenge, lekin hamara saving account yani bachat khata hota hai isliye From saving account choose karna hi better option hai.

Step 6.

Aab apko screen par dikhega “Please enter amount” yani aap jitna dhanrashi nikalna chahte hai wo dale. Amount dalte waqt is bat ka dhyan jarur rakhe ki apka amount is tarha ka na ho 555, 299, 1050. ATM Machine me Rs.2000, Rs.500 or Rs.100 ke notes available hote hai isliye aap apna amount isi hisab se dale. Agar aap 555, 299 jaise amount dalte hai to paise nhi nikalenge.

Step 7.

Amount dalne ke bad ATM machine screen ke right side me 2 options honge:
1. Press if yes
2. Press if no
Yani agar apka dala hua amount sahi ho or aap finally paise nikalna chahte hai to yes dabaye. Agar apka dala hua amount galat ho ya fir aap paise nhi nikalna chahte hai to no dabaye. Kyi ATM me apko Yes or No ki jagah Correct or Incorrect bhi dikh sakta hai.

Step 8.

Ab sabse last apse yeh pucha jayega “Do you want a printed advice?” yani kya aap transaction ke bad slip chahte hai? Agar chahte hai to Yes press kare or agar slip nhi chahte hai to No presss kare. (ATM Kaise use kare in hindi)

Step 9.

Ab Apko screen me dikhega “Your transaction is being process please waight” iske 2-4 second bad ATM se vibration ki awaj ane lagegi jiska matlab hai ATM machine me paiso ki counting ho rahi hai. Vibration rukne ke bad “beep beep beep” ek alarm bajega or screen ke upar kaha jayega “please collect cash” apka cash bahar ahuka hai aap apna cash lele.

Step 10.

Apna chash lene ke bad transaction slip nikalne ka wait kare. Slip lene ke bad cancel yani numbers ke pass mojud red button ko press kare or ATM room se bahar nikle.

ATM Kaise Use Kare Puri Jankari Ke Liye Is Video Ko Pura Dekhiye

Also Read:

Note: Is post me SBI ATM ka process step by step bataye gaye hai. Agar aap koi anya bank ke ATM user hai ya koi anya bank ke ATM Machine use kate hai, to ho sakta hai ye option sequence wise na ho jaisa ki upar bataya gaya hai. Lekin sare ATM ke functions ek hi tarha ke hote hai sirf options age piche rehte hai isliye confuse hone ki ya ghabrane ki koi bat nhi hai.

To dosto ab aap sikh chuke hai ATM kaise istemal karte hai. Aab apko kisi se yeh puchne ki jarurat nhi padegi ki ATM kaise chalaye ya ATM se kaise paise nikale?


Dosto agar apko koi bhi doubt ho to niche bejhijhak comment karke puche. Hamare website me daily kuch naye article post kiye jate hai, or bhi interesting articles padhne ke liye hamare sath jude rahe. Hamare facebook page ko like karna na bhule taki hamare naye article aap facebook ke madhyam se bhi padh sake.

Leave a Reply

Your email address will not be published. Required fields are marked *